पेनकिलर (Painkiller) प्रयोग गर्दै हुनुहुन्छ ? पेनकिलरबारे बुझ्नैपर्ने कुरा
-
- 25th February, 2022
- खाली पेटमा पेनकिलर सेवन गर्नुहुँदैन । खाली पेटमा पेनकिलर सेवन गर्दा एसिडिटी बढ्छ ।
- पेनकिलर सेवन गर्दा मादक पदार्थ कहिल्यै नखानुहोस् ।
पेनकिलर र मादक पदार्थ सँगै खानाले स्वाथ्यमा उल्टो असर पर्छ । जस्तैः रिंगटा लाग्ने, एसिडिटी बढ्ने र मुटुमा समस्या निम्तिन सक्ने खतरा बढाउँछ । - पेनकिलर चक्कीलाई भाँच्ने या टुक्रा पार्ने गर्नुहुँदैन । यसरी भाँच्ने या फुटाउने गरेको पेनकिलरको प्रभाव कम हुन्छ ।
- पेनकिलर सेवनपछि अत्याधिक मात्रामा पानी पिउने गर्नुपर्छ । पानीको मात्रा बढाउनाले शरीरमा बाँकी रहेका पेनकिलरका अनावश्यक पदार्थ बाहिर पठाउन मद्धत मिल्छ र पेनकिलरको साइडइफेक्ट पनि शरीरमा कम पर्छ ।
- फर्मासिस्टसँग पेनकिलरबारे विस्तृत जानकारी लिनुपर्छ । पेनकिलर सेवन गर्दा चाहिने खुराक, सेवन गर्ने अवधि, मात्रा र यसको असरबारे जानकारी लिनुपर्छ।
- कतिपय पेनकिलर पछिसम्मका लागि लत लाग्ने पनि हुनसक्छ । दुखाई कम गर्न खाएको पेनकिलरको लत लाग्यो भने समस्या पर्न सक्छ । जस्तै कोडिन, ट्रामाडोल, मर्फिनजस्ता पेनकिलर सेवन गर्दा होसियारी अपनाउनुहोस् ।
- कुनै शारीरिक समस्या भएर चिकित्सककहाँ जाँच गराउन जाँदै हुनुहुन्छ भने आफूले सेवन गरिरहेको पेनकिलरबारे चिकित्सकलाई जानकारी गराउनुहोस्
- अल्सर, मुटुरोग, उच्च रक्तचापजस्ता स्वास्थ्य समस्या छन् भने पेनकिलर सेवन गर्नु घातक हुन्छ । यस्ता रोगमा पेनकिलर सेवन गर्नुहुँदैन ।
- शरीरमा दुखाई भयो या टाउको दुख्यो भन्दैमा जथाभावी आफूखुशी पेनकिलर खाने काम गर्नुहुँदैन । चिकित्सकको सल्लाहमा मात्रै पेनकिलर सेवन गर्ने बानी गर्नुपर्छ । अन्यथा स्वास्थ्यसम्बन्धी धेरै समस्याहरु तत्काल नदेखिए पनि पछि देखिनसक्छ ।
Leave Comment